ලොකු හාමුදුරුවනේ හැබෑවටම ඔය කියන්නහේ දිවියලෝකයක් තියනවැයි?
කවුරු දන්නවද උන්නාන්සෙ ඔව !
එහෙනං ඔබාන්සෙ ඊයෙ දාවිත් රාළහමිලයි අහ දානෙට වැඩිය වෙලාවෙ කිව්වෙ ?
එහෙම තමයි උන්නාන්සෙ ඒව !
ඒ කිව්වෙ ?
දැං බලමු.... දායකයො අපිට දානෙ ගෙනැත් දෙන්නෙ අහවල් එකක් හන්දද ? මොකෝ අපේ නෑදෑයොද ?
නැ නේ..
ඉතිං එහෙව් එකේ මොකටෙයි දෙන්නෙ ?
දිවියලෝකෙ යන්නෙයි ලොකුහාමුදුරුවනේ ?
ඔය තේරෙන්නෙ...
ඉතිං බොරු කියන එක පව් නැතෙයි ?
කවුද බොරු කිව්වෙ ?
ඔබාන්සෙනෙ නැති දිවියලෝකයක් ගැන කියල.
කවුද කිව්වෙ දිවියලෝකයක් නැතෙයි කියල ?
ඔබාන්සෙනෙ !
මං කොහෙද එහෙම එකක් කිව්වෙ, මං කිව්වෙ මං එහෙම එකක් නැතෙයි කියල හරි ඇතෙයි කියල හරි ටක්කෙටම නොදන්න වගනෙව.
ඉතිං ලොකුහමුදුරුවනේ හරියටම නොදන්න ඒව කියන එක හොඳෙයි ?
කාටද ?
ඔබාන්සෙට , මිනිස්සුන්ට ?
මොකෝ නරක, එහෙම එකක් තිබුනොත් උන්ට යන්න ඇහැකි නෙව.
බැරිවෙලාවත් තිබුනෙ නැත්නං ?
නැති තැනකට කොහේ යන්නද උන්නාන්සෙ !
එහෙනං ඉතිං ඔබාන්සෙ යයි අපායෙ !
අපායෙ ?
ඔව් අපායෙ !
පොඩිඋන්නාන්සෙ දන්නවැයි අපාය කොහේද තියෙන්නෙ කියල ?
ම්හ් !
ඉතිං උන්නාන්සෙ කොහොමෙයි කියන්නෙ මම එතනට යයි ය කියල, තියනවද නැද්ද කියලවත් නොදැන.
හැබෑමයි ! ඒත්...
මොකෝ උන්නන්සෙ ඒත් කිව්වෙ ?
කියවුනා ලොකුහාමුදුරුවනේ. පොඩි පටලැවිල්ලක් වගේ දැනුන ඒත් කොහේ කොතනද කියල නිච්චිනෑ.
හ්ම්... ඔව්ව ඔහොම තමයි උන්නාන්සෙ, වැඩිය හිතට ගන්නෙ නැතුව ඉමු !